သုံးပန်လှ KTV သတင်းအရ ဝင်စစ်လိုက်ရာ ပြည့်တန်ဆာ အမျိုးသမီး(၆)ဦးနဲ့ အတူ ဆိုင်ရှင်ဖြစ်သူကိုပါဖမ်းဆီးရမိ
ဇွန်(၂၄) AlinnMyay(အလင်းမြေ)
ပဲခူးတိုင်းဒေသကြီးရဲတပ်ဖွဲ့မှ ပြည့်တန်ဆာနှိပ်ကွပ်ရေးအက်ဥပဒေဖြင့် အမှုဖွင့်အရေးယူဆောင်ရွက်မှု၊ သုံးပန်လှ KTV သတင်းအရ ဝင်စစ်လိုက်ရာ ပြည့်တန်ဆာ အမျိုးသမီး(၆)ဦးနဲ့ အတူ ဆိုင်ရှင်ဖြစ်သူကိုပါဖမ်းဆီးရမိခဲ့ကြောင်း ဖော်ပြထားသည်။
၂၃-၆-၂၀၂၀ ရက်နေ့ ည (၉)နာရီခွဲအချိန်ခန့် လက်ပံတန်းမြို့နယ်၊ ရန်ကုန်-ပြည်ကားလမ်းဘေး၊ ချမ်းသာကုန်းကျေးရွာရှိ “သုံးပန်လှ” KTV နှင့် စားသောက်ဆိုင်တွင် ပြည့်တန်ဆာလုပ်ငန်းများ လုပ်ကိုင် နေကြောင်း သတင်းအရ ပဲခူးတိုင်းဒေသကြီးရဲတပ်ဖွဲ့မှူးရုံး၊ မှုခင်းအကူဌာနနှင့် လက်ပံတန်းမြို့မရဲစခန်းမှ ရဲတပ်ဖွဲ့ဝင်များသည် သက်သေများနှင့်အတူ ဝင်ရောက်ရှာဖွေရာ ဆိုင်ရှင်ဖြစ်သူ အမျိုးသမီးနှင့် ပြည့်တန်ဆာ လုပ်ငန်း လုပ်ကိုင်သူ အမျိုးသမီး(၆)ဦးတို့အား သက်သေခံပစ္စည်းများနှင့်အတူ ဖမ်းဆီးရမိခဲ့သဖြင့် လက်ပံတန်းမြို့မရဲစခန်းတွင် ပြည့်တန်ဆာနှိပ်ကွပ်ရေးအက်ဥပဒေပုဒ်မဖြင့် အမှုဖွင့်ဆောင်ရွက်ထားရှိကြောင်း သတင်းဖော်ပြထားကြောင်း တွေ့ရသည်။
သတင်း ဓာတ်ပုံ – BRPF #AlinnMyay(အလင်းမြေ) #ပြည်သူ့ကူညီရေး #ပြည်သူ့အသံဖော်ဆောင်ရေး #သတင်းမှန်မီဒီယာ
